වර්ෂ 1931 සිට 1935 දක්වා වසර 4ක් “භක්ති ප්‍රබෝධනය” සඟරාවේ දෙවන කතෘ ධුරයට ගරු එඩ්මන් පීරිස් නි. ම. නි. පියතුමා පත් කරන ලදී. (පසු කාලයේදී හලාවත පදවී රදගුරුතුමන් ලෙස එතුමන්ව කතෝලික සභාව පත් කරන ලදී ). 1931 පෙබරවාරි සඟරාව පිටු අංක 1, ගරු එඩ්මන් පීරිස් නි. ම. නි. පියතුමා පළමුවන සංස්කාරක පියතුමා වන අතර එතැන් පටන් අදවන තෙක් භක්ති ප්‍රබොධන සංස්කාරක පියවරුන් ලෙස නිර්මල මරිය නිකායික පියතුමන්ලා පත් වූ අතර නිර්මල මරිය නිකාය භක්ති ප්‍රබොධන සඟරාවට අනුග්‍රහය දක්වමින් තම පැවිදි නිකායේ තවත් එක් දූත මෙහෙවරක් ලෙස අදටත් පවත්වා ගෙන යනු ලැබේ.

පවුලේ සඟරාව ලෙස හඳුනා ගන්නා භක්ති ප්‍රබොධනය සංස්කාරවරුන් 30 ක් යටතේ නොනවතින ගමනක් අද වන විට පැමිණ ඇත. කිතුනු පවුලේ සඟරාව ලෙස විරුදාවලිය ලත් භක්ති ප්‍රබෝධනය කාලයට ගැලපෙන පරිදි පාඨක හදවත් ස්පර්ශ කරන්නට පලවන හෙළිදරව්ව, විද්වත් ලිපි, විවිධ සාහිත්‍ය නිර්මාණ අතර කවි, ගීත, නිසදැස්, කෙටි කථා, ආප්තෝපදේශ, හිතෝපදේශ, සුභාෂිත අවවාද අනුශාසනා, හාස්‍ය රසයය ගෙනෙන නිර්මාණ, කාටුනය ඇතුළු ළමයින් වෙනුවෙන්ම වෙන්වූ කථාන්දර, ප්‍රහේලිකාව සහ ආදර්ශ ආගම ප්‍රශ්න පත්තර සහ ශුද්ධවන්තයන්ගේ ජීවිත කථා ආදිය ඉලක්ක කරන්නේ ක්‍රිස්තු ඉගැන්වීම් වලට විශ්වාස වන්තව, මනුෂ්‍ය වටිනාකම් සහ සාරධර්ම රැකෙන අයුරින් ජීවිතය ජීවත් කරවන ක්‍රියා පරිපාටියකට අස්වැසිල්ලක් වේ. කිතුනු පවුලේ සඟරාව වන භක්ති ප්‍රබොධනය සිය දූත සේවාවේ අභිමානවත් පස් විසිපහක සංවත්සරය 2024 දී සැප්තැම්බර් 17 වන පසළොස්වක පෝය දින කොළඹ මරදාන පාතිමා දෙව් මැදුරේදී ජය ශ්‍රීයෙන් පවත්වන්නට අපේක්ෂා කරමු.